Zu Rëmeleng kann een an der UGDA-Museksschoul léieren en Instrument ze spillen. All Joer am Mee-Juni gëtt d’Gemeng eng Fiche un all Menage eraus, fir sech an der Museksschoul anzeschreiwen. D’Course fänken am September un a sinn un e normaalt Schouljoer (September-Juli) gekoppelt.
Fir en Instrument ze spillen, muss een 2 Formatioune maachen:
Formation musicale
An der „Formation musicale“ (fréier „Solfège“ genannt) léiert ee Noute liesen a schreiwen.
D’Formatioun dauert 4 Joer an ass obligatoresch fir en Instrument léieren ze spillen.
Um Enn vun de 4 Joer gëtt et en Certificat (division inférieure).
Duerno kann ee nach weidermaachen, dat ass allerdéngs fakultativ.
Zu Rëmeleng fënnt d’Formation musicale fir d’Kanner an der Maison relais (SEA Roude Fiels) statt.
D’Formation musicale ass gratis.
Formation instrumentale
An der „Formation instrumentale“ léiert een en Instrument ze spillen.
Déi éischt 7 Joer vun der Formation musicale si gratis.
D’Harmonie Municipale Rumelange a.s.b.l. stellt de Schüler fir hir Formation instrumentale, wa méiglech, en Instrument zur Verfügung ënnert der Konditioun, dass d’Schüler sechinnerhalb vun den éischten 2 Joer reegelméisseg am Mini-Ensembel oder Jugend-Ensembel engagéieren.
Fir en Instrument geléint ze kréien w.e.g. dëse Formulaire ophuelen.
Weider Informatiounen op:
