Wëllkomm
op der Säit vun der Rëmelenger Stadmusek
Mir sinn eng jonk a flexibel Ekipp, déi ëmmer nees op der Sich no Muséker ass, déi schonn en Instrument spillen oder spille léiere wëllen. Egal op Kand, Jugendlechen oder Erwuessenen – jiddereen ass bei eis wëllkomm. Kommt eis besichen!.
Eis Adress: 1, rue du Parc L-3741 Rumelange
Eis Evenementer:
Keine Veranstaltungen
Réckbléck 2022
Generalversammlung
Den 31. Mäerz huet d’HMR op eng ordinär Generalversammlung invitéiert. A Presenz vum Rëmelenger Schäfferot an der Vertriederin vun der UGDA goufen eis Musekante fir verdéngschtvoll Joer am Veräin geéiert.
Ekinox
De 26. Mäerz huet eng Ekipp vun der HMR d’Finale vum Ekinox-Festival zu Rëmeleng begleet.
Filmconcert
De 27. Februar huet d’HMR endlech, no 2 Joer corona-bedéngter Paus, nees e Concert gespillt. Am Centre culturel André Zirves zu Rëmeleng goufen am Nomëtten bekannte Filmmelodien virgeféiert.
Réckbléck 2021
Chrëschtspillen 18.12.2021
Samschdes, den 18. Dezember huet eng Ekipp vun der HMR am Nomëtten op verschiddene Plazen zu Rëmeleng bekannte Chrëschtmelodien gespillt.
Kleeschen 5.12.21
De 5. Dezember huet d’HMR de Kleeschen um Chrëschtmaart op der Gemengeplaz vu Rëmeleng empfaangen.
Boerbelendag 4.12.21
Endlech nees e Boarbelendag, dee gefeiert konnt ginn! Natierlech war d’HMR och dobäi.
Cäciliefeier 20.11.21
Den 20. November hu mir eis traditionnell Cäciliefeier organiséiert. Owes goufen eis aktiv Memberen an eis „Helfer“ op en Iessen (ënnert dem CovidCheck-Regime) agelueden. Mëttes si mir mat enger Equipe duerch Rëmeleng Musek spille gaangen.
Cactusstand 12&13.11.21
Freides, den 12. a samschdes, den 13. November hate mir dëst Joer exceptionnell en zweete Cactusstand.
Hämmelsmarsch 2.10.21
Samschdes, den 2. Oktober si mir nees duerch Rëmeleng den Hämmelsmarsch spille gaangen.
Cactusstand 18.09.21
Eisen 1. Cactusstand hate mir samschdes no der Schoulrentrée.
Facebook Posts
Prêt instrument
D’HMR stellt, wa méiglech, neie Schüler aus der lokaler UGDA-Musekschoul en Instrument zur Verfügung ënnert der Konditioun, dass d’Schüler Member am Jugend-Ensemble vun der HMR ginn.
Pour les nouveaux élèves de l’école de musique locale UGDA, l’HMR met (si possible) à disposition des instruments de musique. Seule condition: les élèves deviennent membre au sein de notre ensemble des jeunes (nxtHMR).
Eis Highlights aus de leschte Joeren:
Eis Haaptsponsoren:
Eis Instrumenter
Querflütt
Saxophon
Klarinett
Trompett
Trombonn
Tuba
Perkussioun
Du wëlls en Instrument léieren?
Da mell dech an der lokaler Musekschoul vun der UGDA un.
Eis Prouwen
Jugend-Ensemble „nxtHMR“
méindes vun 18.30 – 19.30 (20.00) Auer
Groussen Ensemble „Hmr“
méindes vun 19.30 – 21.30 Auer
Sponsoren vun der HMR
